由疫情爆發至今已幾個月，同閨密好耐冇見面啦! 最近疫情有所緩和，餐廳限客令放寬 ，終於可以相約食飯啦!! 太耐冇同閨密見面 ，一於搵間舒服D嘅餐廳飲下野傾下計！
我幾鍾意呢間餐廳Oasis Bar & Grill ，是在繁囂尖沙咀中的小綠洲！餐廳以清新擺設打造，環境寛敞！
部分座位以鳥籠設計，影相打卡一流！打卡靚之餘都令人坐得好舒適自在，令人放鬆心情跟友人慢慢聊天～
除了座位，連裝飾燈都融入大自然氣氛，用上雀鳥擺設燈飾～
環境舒適之餘，食物質素也很好！
鐘意食海鮮嘅我當然唔會錯過海鮮生蠔拼盤，個拼盤完全冇令我失望！
拼盤內有生蠔、北海道帶子、阿根廷紅蝦、青口，滿豐富～
生蠔方面，提供兩款不同法國生蠔，一款肉質飽滿鮮甜，入口好creamy! 另一款肉質就爽脆一點，各有喜愛！
帶子肉厚鮮甜，令人好滿足！
紅蝦蝦身好大隻，應該有我手掌般長，看看帆立貝的比例就知道！入口口感彈牙，甘甜爽口～
芒果蟹肉牛油果塔，顏色配搭吸睛，賣相很吸引！
底層是牛油果，中層芒果，頂層蟹肉，層次分明！入口味道融合，既清新又鮮甜，令人好開胃～
炭烤澳洲M5 和牛肩肉伴法式忌廉焗薯，和牛肩肉肉質嫩度適中，完全沒有筋，牛味濃厚！
不過個人覺得當中的法式忌廉焗薯比和牛肩肉更吸引！表面香脆，一層薯仔一層忌廉般口感豐富，香滑又滋味！
估唔到連杯飲品都咁靚！Lips of An Angel ~
杯邊用上玫瑰花瓣作點綴，很優雅！
當咀唇貼近杯邊時，又會聞到微微花香，很討好～
環境舒適，令人放鬆自在食飯聊天，的確是一個與友人相聚的好地方～
Oasis Bar & Grill
Oasis Bar & Grill
尖沙咀諾士佛臺1號8樓
