對於一個九龍人...每次入元朗都必食甜品, 老婆餅~~~
今次決定發掘新口味~
星期日一朝早入元朗…一早起身都人未清醒，所以決定食一啲醒胃既食物，等個人可以醒下神…
於是我地就揀左最近有朋友去過而又推介既泰國菜試一試…
根據朋友同GOOGLE MAP既指引下…
行左入去一個好多好維修車行既街道入面
開頭仲以為自己行錯路…
最後終於都俾我地搵到一間叫薄苛葉既泰國餐廳~
但係從街道的另一方向看過感覺截然不同~
一個全開放式的設計，感覺開揚~
內在裝修都抱有濃厚的泰國風情.....店員均為泰國人~
店內主要以木製枱椅，配上泰國特式掛畫，感覺蠻SUMMER~
餐牌有中英文…而且除了散叫外，亦有多人套餐~
款式多，午巿跟晚巿同一個餐牌~
原本諗住問下有無泰式生蝦刺身...（因為餐牌唔見有）...
一問之下原來係有架...不過我地去嗰日就因為啲蝦唔夠凍...所以無得食...(=_=)...
最後我地叫左以下幾樣食物
首先就係店員推介的泰式炸蠔($168)
癲子一向都係愛蠔之人，當然一聽到就話想食啦…
當店員送上炸蠔個陣，一睇之下，好大隻咁~
店員叫我地用生菜包著後點醬汁黎，我地先驚覺一向以為係伴碟既生菜原來係重要既一員黎
呀…包住生菜咁食，啲蠔炸得脆得黎又唔乾身喎…
當擔心佢係炸粉多而變得大隻既時間，一咬落去，原來隻蠔真係咁大架。。。（^＿^）
啲蠔都確係鮮甜～配上佢酸酸辣辣既醬汁…醬汁同蠔汁本身味道出奇地夾…每咬一啖就係咁湧出黎
再加上生菜吸走一啲油脷同蠔汁...完全唔會浪費隻蠔一點一滴....食完仲唔會覺得好溜添...
連寶先生一向唔太主動食蠔都唔覺得反感之餘仲一連食左兩隻...店員果然無介後紹錯
大推介呢一個炸蠔～！
接住上枱既木瓜沙律~
酸酸辣辣恰宜，非常醒胃，木瓜勁爽口，除左能夠增加食慾之餘，
仲有一種食完一啖會追住食第二、第三啖咁...轉眼間我就俾我地消滅左佢啦...哈哈
以作為前菜完全係超標完成～！
主菜黎啦…
原本想叫明爐魚，但店員介紹檸檬魚($104)好味…於是就試一試佢…
雖然以份量黎計，條魚同隻碟就好似唔係好成正比~
但魚既肉質同口感都唔錯，
味道方面就同頭兩味好唔同，唔同既地方就係頭兩味雖然都係酸辣...
而今次呢一條魚都係酸，但佢呢一種酸味係來黎同佢係烹調既檸檬....再配上蒜蓉...
令到整道菜味道濃得黎更見層次感....
除此之外，又點少得沙爹串(可選豬、牛、雞 6串 $68)
雞肉好好質感，滑得黎唔會燒得太乾身，仍然食到雞肉同雞油味...叻叻～！
最後就係一個泰式咖喱配薄餅啦，咖喱可配豬、牛、雞
今次薄餅好夠份量…有咬口得黎配上咖喱汁，令人唔會覺得佢好DRY…
另外由於我地落單個陣有啲誤會…以為沙爹係包左豬牛雞各兩串…所以呢一個咖喱都叫左雞肉，
不過都冇中伏，雞肉依舊好味，再有沙爹作對比，
同樣一樣食材，喺咖喱同沙爹之間穿梭…仍然能夠散發各自獨特風格~!...感覺都真係幾FULL...幾正~!
最後我地食飽飽…就叫左兩杯飲品
分別係青擰梳打同黑加倫子梳打
如是者….咁樣一食…兩個人就食左六百幾蚊….以咁多道菜黎講....都幾抵食～！
如果有機會一定要試下晚巿黎，作為泰國菜...都算得係值得遠道而來一嘗佢既滋味～！
Mint Thai House 薄荷葉泰國菜
元朗安康路2號怡康大廈地下12-13號舖
預約電話： 2475 5872
Tine/癲子 ☎ : 先電郵聯絡我吧~(๑￫ܫ￩) 害羞...
Tine/癲子 ☎ : 先電郵聯絡我吧~(๑￫ܫ￩) 害羞...
沒有留言:
張貼留言