【遊記】亂衝亂撞遊九州 （日本博多、熊本篇）

哈哈，經過忙完一輪後，終於的起心肝寫下遊記啦～！！（一邊寫一邊勁想去旅行）

話說上年十月尾 ，我跟寶先生再次出走到我們最喜愛的旅遊熱點 － 日本 (^ ^)

對!!又是日本..我總係逃不出呢個國家咁..XD

但今次卻唔再係東京和大板，這次7日6日旅程所到的目的地是我們還未有去過的北九州~

而我地今次去的地方包括博多、熊本、湯布院、阿蘇~

本來還想到宫崎和鹿兒島

但因為令旅程太急趕而忍心作出取捨….（淚奔T＿T）

不過喺入正題之前，我地決定搞搞新意思，俾大家多個選擇....

今次旅行寶先生沿路都有拍片，仲剪輯左兩集遊記短片添...

如果唔想睇文字遊記，而又唔介意我地第一次自家制作無聊粗疏的話

可以按入去睇下架

第一集

第二集

而文字版亦都開始入正題啦～！

我地出發前做足機票搜集..有搵過台灣轉機 、直航...

經過一籃子的考慮後 ，都係擇港龍直航機..價錢雖然係貴D ，

但可以慳返1日時間早D到步~

如果有假期..又想玩埋台灣既，就不妨諗下長榮航空係台灣轉機去福岡~

而最近香港快運都開左福岡新航線 ，價錢看似都幾抵 ，令我又想飛多轉呀!!!

我地最後選擇左呢一套來回機票

香港 / 福岡   KA386   11:10 / 15:15

福岡 / 香港   KA381   16:15 / 19:10

約3個幾鐘機程就到達啦!

從福岡機場出巿區既方法，就係先乘搭免費接駁巴士

先由國外線大樓(落機機場)前往國內線大樓轉乘地鐵以及其他交通工具往巿區~

至於乘車方法非常簡單，只要一踏出機場門口就會見到接駁巴士站~

由於機場閘口多，所以前往國外線大樓的車程大約需要10-15分鐘~

抵達國內線大樓就可以轉搭其他交通工具去你想去的地方，

而我們就選擇坐地鐵由福崗空港前往是次旅行的主要落腳點 — 博多

由空港站去到博多只需5分鐘 ，太好了~

由於飛機Delay..再等埋行李..去到博多站都差唔多5點幾..

所以第1日主要都係酒店附近行下，熟習下個環境先~

而7日6晚入面，我地會以博多為落腳地（唔想拎住啲行李轉黎轉去）

喺博多住5晚 The b Hakata 酒店

有1日住到湯布院留一晚住溫泉旅館(遲D分享)

由博多駅前往我們落腳的酒店只需要5分鐘路程~

而我地入住既係一間雙人房，房間設計簡約整齊~

設備齊全，每間房都收到WIFI

唔洗下下走落大堂或者要自備ROUTER

雖然睇落好似好細間，但仍然有足夠既空間可以俾我地兩個同時打開晒兩個喼

唔洗拎少少嘢都要搞一輪

而浴室方面就有一個可以一個人浸浴既浴缸~

我特地帶左Nest Beauty浪漫花香香薰氣泡彈黎浸浴..呵呵~

雖然DELAY再加埋安頓好後時間已經唔早...

但係我地仍然把握時間，四周圍行下，了解下有咩好食同好玩啦~

沿路行返去頭先經過既竹下通飲食街~

呢道食既、行既、玩既通通一應俱全~

由於經常聽到人話博多拉麵出名，所以喺眾多既食物中我地揀左食拉麵

食飽飽之後就梗係散下步啦~

平時喺香港散步就揀公園同海旁，黎到日本散步就梗係揀行商店啦~哈哈哈

我地去左呢一個大型既商場只係行一轉….已經令人忍手忍得好辛苦啦!

特別係黎到100YEN店…

忍唔住啦～～

最後喺100YEN戰利品

就係咁就過左黎九州既第一日啦~~~
是日消費總結：
地鐵（機場 －＞ 博多）： $ 250円 X 2人 ＝ ＄ 500円 

拉麵 ： 二人共 ＄1610円 

100円店 ： ＄420円

DAY 2 : 目的地：熊本

這隻熊本熊（KUMAMON）

基本上就算唔係喺熊本..都經常見到佢縱影~(當然而家香港都經常見到…)

就連飯團都有佢個樣! 真係無處不在~

由於酒店冇包早餐..所地我地就買定飯團係火車食 (^ ^)

講到坐日本火車，喺黎之前我地做左啲資料搜集，知道JR有火車PASS

除左日數有得揀之餘，仲知道九州JR PASS係有全九州同北九州之分

所以我地因應返PLANING喺香港各大旅行社買定左個五天北九州JR PASS

可以五天內任坐，

價錢係…. （http://www.jrkyushu.co.jp/chinese/ ）

而我地去熊本既話就係坐新幹線…

經過太約一個鐘車程

我地終於都黎到熊本啦

一出火車站就見到呢一道既吉祥物~!

出左火車站，去到旅遊中心買左呢一張1DAY PASS 500YEN

全日任坐指定交通功具

而熊本巿除左巴士、的士

另一個主要既交通工具就係電車啦~

坐住佢地既電車基本上都可以玩勻晒成個熊本巿主要景點~

以電車單程150YEN計算，只要行程中有需要坐 4次或以上就回本~哈哈哈

所以買之前要預先計劃一下~!

到達熊本巿，買好PASS，坐到黎通町筋第一件事就梗係醫下肚先啦~

所以我地決定先食午餐

以今日既計劃會到熊本城，所以揀左食一間距離熊本城好近既馬肉刺身 — 菅乃屋

其實出發前..我同自己講唔食!

因為諗緊D馬仔咁得意..邊捨得食啊~!(寶先生仲取笑我，咁樣諗就好多嘢唔洗食)

就係因為咁，再加上馬肉貴為福岡名物..最後決定一試

結果一係唔試，一試就不得了! 食到停唔到口!

我食刺身同石燒LUNCH SET，而寶先生就揀左食季節定食

兩款同價2500YEN~

以午餐黎講可能有D貴..不過以質素黎講係好值!

大推介!

食飽飽充滿力氣就出發熊本城~~~

原來要上到去天守閣係要行好多樓梯x_x….

當行上去果陣..心諗好彩食飽左..唔係邊夠氣力

真係好多級樓梯呀!!!!!

不過沿途既景都幾靚~

幾經辛苦，終於都行到上黎啦~~~見到佢啦~~~

天守閣放左好多關於佢既歷史、建築方法

最吸引我既都係頂層既眺望搭

景色好靚啊!

我地大約四點鐘左右，離開左熊本城之後就坐電車去到水前寺成趣公園

呢度景色都幾靚架~

位於公園入面既出水神社

傳說話飲左呢度既「長壽之水」會令人更長壽...

行完公園之後又未到晚飯時間就梗係行下街街啦

於是我地就再坐返電車返黎通町筋行呢度既「上通」同「下通」行下街

行到咁上FEEL到肚仔餓

E…呢間一蘭冇人排隊既…XD

我平時見到銅鑼灣長長既人龍就放棄唔排~

黎到九州梗係唔好錯過~

我覺得幾好味啊~

食過香港一蘭既寶先生就話日本好食D同埋價錢平D!

食飽飽之後就坐電車返返去JR站坐新幹線返酒店啦

一共坐左4轉電車(600YEN)，PASS(500YEN)岩岩好抵返晒

話咁快就完左兩日既行程啦…總結下今日買左啲咩先

DAY2

其餘幾日嘅九州之旅遊記（文字＋片）將會係陸續送上，希望大家喜歡我地嘅新嘗試啦～！
多謝收睇～！

❤❤❤❤❤❤❤❤❤❤❤❤❤❤❤❤❤❤❤❤❤❤

更多的平台:
 ❤Yahoo Blog❤ ❤TheZtyle❤ ❤BeautyLife❤

❤Blogspot❤ ❤She.com❤ ❤BeautyExchange❤

只需☝點 click 就可直達平台（o^ ౪ ^o）

聯絡Tine/癲子 ✉:  cocoho_1020@hotmail.com / cocoho1020@yahoo.com.hk
也來支持一下專頁吧 (❛◡❛✿) :   www.facebook.com/MyCupOftine